УЛСЫН НЭГДҮГЭЭР ТӨВ ЭМНЭЛГИЙН ХЭРХ ҮЕ СУДЛАЛ, ҮЕ СЭРГЭЭХ ТӨВИЙН ДАРГА Н.ЭНХТАЙВАН ОЛОН УЛСЫН НЭР ХҮНДТЭЙ ШАГНАЛ ХҮРТЛЭЭ
Яс, үе мөч, булчингийн өвчлөлийн судалгааны дэлхийн томоохон чуулганы нэг болох WCO-IOF-ESCEO 2026 (Бүгд Найрамдах Чех Улсын Прага хот)-ын үеэр УНТЭ-ийн эмч Н.ЭНХТАЙВАН “Шилдэг залуу судлаачийн шагнал” хэмээх нэр хүндтэй шагналыг хүртлээ.
Энэхүү шагналыг дэлхийн 16 орны 23 шилдэг залуу судлаачдад 2026 оны 4 дүгээр сарын 18-ны өдөр Nicholas Harvey (IOF-ийн Ерөнхийлөгч), Jean-Yves Reginster (ESCEO-ийн Ерөнхийлөгч) нар гардуулсан юм.
Яс, үе мөч, булчингийн өвчлөлийн судалгаа нь хүн амын эрүүл мэнд, амьдралын чанарт онцгой ач холбогдолтой бөгөөд энэ салбарт залуу судлаачдыг дэмжих нь ирээдүйн оношилгоо, эмчилгээний хөгжилд үнэтэй хувь нэмэр оруулж байна.
Танд халуун баяр хүргэж, цаашдын эрдэм шинжилгээ, судалгааны ажилд нь улам их амжилт хүсье!
